حظه أقشر .. صار شاعر
يعني .. ليل وهسترة حزن ومشاعر
يعني .. جرح وشوق همال ومحابر
يعني … مو كيفه يهاجر
يعني مو بيده يسافر
يعني عكس الريح والتلويح وخطوط الدواير …
يعني محبوس هنا بين المنى .. وحلم الدفاتر .
صار شاعر ..
وإبتدا الهمس الخجول يجول بعروق البيوت وينفجر
يملا زواياها حنين .
في شرايين العذارى في الثرى في كل صوت وفي الصور
وفي قبور الميتين ..
شاعر ولكنه حزين ..
شاعر .. ولكنه مطر ..
لا صحى نوّه يدق الصمت قوّه
يعزف أوتار السكوت إللي ظمت له
كوكب يضوي السما من شهد ضوّه
صار شاعر ..