سعوديين تحت امر المطاع وطوع مايعصاه ..
فداوية وذي عاداتنا وهذي مبادينا …
ورا سلمان بن عبدالعزيز ومنهجه وخطاه ..
سبرنا المجد وفي مجده وتاريخه تباهينا…
إمام المسلمين اللي يمين الخير هي يمناه ..
عظيم المملكة تاج الوطن واعز ما فينا .
عسى الله يحفظه ويديمه ويصونه ويرعاه ..
ملكنا خادم البيتين بحر الجود والمينا .
ومنا للأمير اللي على الإخلاص بايعناه ..
محمد مالي الدنيا محقق كل امانينا .
سلام من القلوب الي تحبه تعشقه تهواه ..
وشكرا من حواضرنا وشكرا من بوادينا .
ولي العهد ابو سلمان من سوا الذي سواه ..
معه صار المحال اطلال وصار الحلم بيدينا .
معه صار الوطن جنة ،معه كلٍ يقول الله ..
معه لأعلى مقام في سما العليا تعلينا .
زعيم الشرق الاوسط جامع العالم على مركاه ..
وراعي رؤية العشرين انجازٍ وتمكينا .
وهذا ديدنه يابُعد مدّه يابُعد مرماه ..
يصبّحنا على عز وعلى امجاد يمسّينا .
بطل. ياسعدنا به يافخرنا فيه وبطرياه ..
وسليل ابطال ذكراهم الى هاليوم تسقينا .
عسى الله ينصره ويبارك بعمره وفي مسعاه ..
عدد ما هلت مزون السحاب وسال وادينا .
وطنا يابعد كل الكلام اللي ولا قلناه ..
كبير انت بغلاك بطيبتك وبهيبتك فينا