(1)
يا زحمة الدنيا عسى
ما ماتت الطيبة عسى
يا زحمة الدنيا عسى
صبحٍ يجي غير المسى
ولّى شبابي بالضباب .
وهذا أنا شيخ توطاه العذاب
إللي مضى لي .. في التراب
وإللي بقى في التراب
وقلبي عليكم يالشباب
الشيب من غزوه رجع تعب
والحيل من مره إنقطع نضب
عكاز والخطوه وهن
ورعشه يداريها البدن
وذكرى غدت دار ووطن
وآه يا زمن
وين البلد .. وأهل البلد ؟
وين المساير إختفوا … وين إختفوا
وين الفرح ..؟!
وين الولد ..
يبكي جدار الطين والنخلة توّن
وتذرف دموع العين والخافق يحن
نهنيهم إللي إسبقونا للحوه
نهنيهم ما ناشهم سوط الجحوه
ما شافوا إللي شفت أنا ..
ولا عاشوا إللي عشت أنا ..
(2)
أولادنا تغيروا
وأحفادنا تنكروا
وإللي شقينا لجلهم .. من جهلهم تكبروا
غريب أنا ما بينهم
ما كن طيني طينهم ولا كن ديني دينهم
ياللأسف … ياللأسف .. قروا
آه يا خوي
هذا إنت وحدك في الطريق
راح الأخو وراح الصديق
تجلس على السكة وحيد
آه يالوحيد
يا شارد النظره بعيد للذكريات وفي الذكريات
عايش تعيد وتستعيد
الشارع أقفر .. ما غدا الشارع ونيس
ما به أحد ما به سعد ما به جليس
أدري بهمّك .. وش تظن
أدري تحس إنك حبيس
وأن الزمن أبطى كثير من الزمن
وأن الحزن أكبر كثير من الزمن .
وأن الثواني صوتها حسره وشجن .