( تلـقـاه ويـن )

(1)

ساعة غروب ..

والشمس في أخر مدى …

تذوب وتذوب ..

والكون مكلوم السما ..

أغبر .. وكاسية الشحوب .

الشاعرة ..

كل الهموم تشوفها…

هناك .. تجمع خوفها ..

في البعد طال وقوفها …

تنطر وهم ..

إسمه حبيب .. ؟

(2)

تلقاه وين ..

وهو ( مضيع  ) ما لقى نفسه بعد ؟

تلقاه وين ..

وطول المسافة بينهم غيم ورعد ..

تلقاه وين ..

عمر الشقي ما يلتقي بك يا لسعد ..

ولهى ولا تدري بوصف اللي تحب ..

ولهى وطريق العشق لو تدري صعب ..

مرت سراب سنينها ..

وهي تنتظر .. ضحكة فجر ..

(3)

هذى ستاير دارها .. متهدلة ..

وهذى طروس أشعارها .. متبهدلة ..

وهذى بقايا أفكارها ..

يا نارها آه يا الوله ..

كثر التعب من يحمله ..

ضاقت مساحات الزمن ..

من حزنها ..

حزن على الوهم اللي راح ..

وحزن على الحلم ..