(1)
إنطباعي ..
إسألي رعشة يراعي ..
والمعاني الموغله بالعمق ..
وجنون التداعي .
وفلسفة شعري إلى منّـه همي ..
كيف يرتاع الظما ..
وكيف يطرب له جدار ..
وكيف ترقص له أفاعي .
(2)
من لمحتك ..
ليلة أول يوم من عمري .. لمحتك .
باعذب التغريد صحتك ..
كان ميلاد الهوى ..
كان الهوى ..
طفل طَروب كان أنا ..
وكنتي الهنــا ..
وسر تعديته وبحتك .
من لمحتك ..
أقسمت كل البدايات الجميله ..
إنك أجمل من جميله ..
من خميله لونها العطر وبخليه ..
جادت بروضي ..
وجيت بعاصف الريح .. وفضحتك .
(3)
من لمحتك ..
صار للتقويم هيبه ..
وصار كل الكون طيبه ..
وصارت شهور السنه تعشق بعضها ..
كن ميلادي وعضها ..
وكنك أول من على الأرض إفترضها ..
وكنك أول ذنب في تاريخ قلبي ..
إجترحتك ..
من لمحتك ..
أعتقد ما عاد للأحزان داعي ..
انتهى داخل قناعاتي صراعي ..
والرضا .. صار إنطباعي .
يا فتونك ..
آه كيف أوصف معانيها عيونك ..
السواد الأزرق الدافي والرحيب
المنوع المستجيب ..
الغروب المشرق الجرح العطيب ..
والطبيب .
ساحلين ورحلة لا وصول ..
وموج مجهول الذهول ..
وشي مو معقول .. دونك .
(4)
يا فتونك ..
آه ليت أقدر أترجمها عيونك ..
ليت في يدي مفاتيح التأمل ..
والتوصل والتسلسل .
ليت لو يجدي التوسل ….
كان أبَتْرجى الرموش تدلني ..
وشلون أحارب ..
كان أواجه سحرها إللي ذلني ..
شرق المغارب ..
كان أخوض بها الغموض المنحني ..
من غير قارب .
يا فتونك ..
آه لو تدري عيونك وِش تسوي ..
خص لا قامت تراعي ..
تخلق الفوضى تثير ..
وتكسر ذراع المساعي ..
وتشعل بعيني تساؤل ..
والإجابه في إنطباعي .
(5)
قبل عينك ..
كنت مجهول الاسم والعمر والعنوان ..
كنت لا إنسان ..
وبعد عينك ..
صرت شاعر .. واللقب ( فنان )
ذوبيني في قهوتك .. لو سمحتي ..
وإشربي الفنجان ..
وإشرحي وِش إنطباعك ..؟
كان ودّك تعرفي بعض إنطباعي ؟