( بردي كبدي )

( 1 )

 

بردي كبدي ..

حرقني  الشوق (ياليلى ).. !

ونصلك ياالظما .. غاير !!

وأنا .. في وجد (ياليلى )

ولا حولي رموشك .. لا

ولا ظل الظفاير !

 

يقول الناس : وش صاير ؟!

وأقول بصمت : مافي شي ..

ويصرخ شي .. من وسط العباير !!

وأنا أدري الحب ..

ماهو من عبيد أهلي ..

وأنا أدري إني  من أجله بأهجر أوطاني ..

وعنواني

وأبيع أهلي !! .

وأنا أدري الحب .. نعمة رب

ولاهو من الكباير !

 

( 2 )

 

بردي لفح التعب ..

الزمن  يلهث على صدرى ..

وخطواته عنا  !!

ولملمي  هذا الرحب ..

مابه طريق بها المدى ..

إلافنيته..

أو مشى فيني ، و  فنى!

 

إنشليني من (هِنا ) ..

وارحميني من  عجاج الزيف  ..

من زيف الهنا .

الناس يا (ليلى ) يدوسون المشاعر  ،  والخواطر

في مشاوير (الأنا) !!

والناس ياليلى ليَا ضاقت .. يزيدونك نصب .

ولو يفرشون أرضك طرب ..

أويزرعوا سمعك  غنا .

الناس .. ماابي الناس ..

فكيني من أخبار الهشيم ..

و من جهنّم هالحياة !

ومن مسلسل هالمنى  .

 

2003