(الله يـعيــن )

1)

الجراح ممكن تطيب ..

إلا جرح الحب يبقى له أثر .

واللي راح ممكن يغيب

في سما الهوجاس ويظل القهر .

والسهر آه يالسهر ..

يا ما شكا له عاشقين

عذر الهوى .. وظلم السنين .

ونار المعزة والحنين
والله يعين .

لا تمسح الدمعة ترى الدمعة وراها دموع

تبكي ولكن موعليك ..

تبكي على ذاك الوفا وذاك الخضوع

وعمر تبددين أيديك.

(2)

يا حيف كيف اسقيتيني بعز الظما كاس العطش

يا حيف كيف أهديتيني وقت الحصاد أزهار غش

ويا حيف كيف نسيتني وروحي معك ـ وسط النعش

لا تنطق بكلمة أحبك أو هويت

وإن قلتها وحلفت لي بربك وبإحساسك بكيت

ما أصدقك .. ولو كل دنيا الناس قالت يعشقك

أنا عرفتك والجراح أكبر دليل

أنا كرهتك وأني أرجع مستحيل
مليون لا وآعيدها مليون لا

ما عاد لك عندي غلا

دور على غيري بديل .