النوافذ والمطر والريح وقصة ..
مالية كل البيوت !
وإنت في (عمان ) قصة ..
ما تمّل من السكوت !
غاب عشق الغيد
ولا بقى ، غيرالقصيد وذكريات العيد .
بوح ياالمذبوح مرّة لوخطا
أو لا تهيّا الوقت
وإصدح بالعطا..
وإسق الثريا !!.
لا يشاغلك البطا..
أولايقولوا
كان يسكن صالح الشادي هنيا !!
لجلج بصمت المقابر ، وإكسر التابوت..
والحياة إلحق عليها لا تجف أغصانها ..
وإلاّ يفوت التوت . !
أعرفك يا واسع ( العالم ) صَموت ..
ولا تطيق من الطرب غير العتب والتعتعه .!
في نبرة الحلوه ( مرام )
أوفي إحتجاج الأربعه !
أو في ترانيم الحقيقة، في تراتيل القنوت !
لكن اللحظات يا قلبي تودّع ..
والصحاري لو قسى حظ ( الحباري ) ما تربّع!! ولا يكون القوت !!
والزمن له إلف إصبع ، حول ظلِك ..
لا بغى ذلِّك .. يذلك !
وإن غزل لك، من شرانيق الحزن قيد وسِجن
من يحلك ..
وإنت مالك صوت .. !
يا شعور يجرحه حتى نسيج العنكبوت !
عيش، في حلم البيوت ..
ولا تجافيك المسّرة ..
المسّرة لو تِجافيك بتموت !
وسوسه .. والشعر آزل
زَل منسوج بضمير
من حرير ، ما دَرَت عَنه المَغازل!
سِر تاريخ الهُروب من المَهازل ..
شاهقٍ عن كل نازِ ل !
وإن نزل
يضوي منازل ، أو يغازل
أو يشد ويترك الدنيا لأهَلها..
كومة أطلال وزلازل
والقمر عرجون .
آه يالموجوع ..
حاصرَتْك ضلوع ..
وشِفِت نفسك في زمان ..
صار فيه الصدق خيبة ..
والوفا ممنوع !
آه وش بالناس ..؟
جافوا الإحساس
ودوروا نفث المداخن ..
خلوا الدنيا كئيبة ..
وإستراحوا ياس !
آه ياالأيام
أمسها قدام ..
ولاجديد إلا المحازن ..
والمشاوير الرتيبه ..
ونقطة إستفهام .
ضـاحية سـالم … يـناير
1999