ألا يا عيونَـها كُفيّ
تِعِب قَلبي تِعِب كُفيّ
دِموعِك مَسبِحَة لولو
تِعدّ ذنوبَنا .. كُفيّ .
حَلَفت الـحُزن ما أطيعَه
وحَلَفت الـحُب ما أبيعَه
وحَلَفت إني أداوي الـجَرح
في مَعنايّ وفي حَرفي … ألا يا عيونها كُفيّ .
أنا أدري .. كلَنا غَلَطان
ولا بَه حيّ ما يِـخطي ..
وأنا أدري ساعَةَ الـهِجران
تِزِل بساع ما تِبطي
لأنِك حُب ..
وعُمرَ الـحُب ما يِقسي ولا يِنسي
ولأني قَلب ..
إنتِ يومَه وأمسَه
شَرايِنَه ودَقّاتَه
وُفي .. وبيعيش لِك يوفي .. ألا يا عيونَـها كُفيّ .