(أدعج .. غنج)

(1)

طاغي الحِسِن فَتّان

مِثلَ الوَهَج ..

وإن هو تِلَحّف ليل

أبَلج يِزيحَ الليل

وأدَعج غَنَج .

يَمشي عَلى خَفقِ الـخُفوق

ممشوق بَه رِقّة وذوق

صيّاد .. والرمش السِلاح

يَرمي مَسا … يَرمي صَباح

ما بَه حَرج …. طاغي الحِسِن فَتّان

قلتَ الوَعَد ..؟

قال إبتعد لا تِحتِرق

إللي سَرق ما يِنسِرِق

قلت الـهَوى ..؟

قال إلمس نجومَ الظُهُر

(2)

لا تِنتِظِر ..

ما يآخِذَ العَطشان من موج السَراب

إلا عَذاب .. إلا قَهَر .. لا تِنتظر ..

وأقفى بهدو وغاب . ( الهمزه )

ما بَه حَرج … طاغي الحِسِن فَتّان

لا يالـمَنام لا تِنتِهي ..

لا يالـحِلِم ..

شفته وأبيه صويـحِبي ..

لو بالوَهَم .

وش لي بِصَحوة شَمس ما فيها دَفا

وشلون تهنا النَفس والمرقدِ جَفا

زور يالوسَن عيني تِبيك

وشوق المشاعِر يحتريك

لا تِبخَل بطيفَ الفَرح ..

تكفي تَرى قَلبي إنجرَح .

وما بَه حَرج .. مِتولّع ولهان .