( يا محــتــرم )

(1)

وهذي طبيعة بشر

الشر والخير عدلا

وما بينهم عرق وشجر

وغصون وأطفال ومطر .. !!

الغيض في صدر الردي ..

مثل المدي..

طعناتها في ساحته خيل تعدي .

والثرثرة .. جمر يتساقط من سماه ـ
ويصهره ..

حساد .. كله مسخرة

يغص في غيرة مرة ..

يسرق من ذنوبي وأنا ..

مرتاح .. ماجبت خبره .

(2)

الشاعر إنسان جميل ..

مافيه غش مختبي .

تلقاه لا جفت يسيل

ويلبس الدنيا عبي .

ما هو مثل ذاك الحطام اللي تعم بالغمام ..

ما هو مثل ذاك الغبي ـ المغرور والمعمي عمي ..

يا ساكن برج الوهم يا آدمي .. !!

وش طينتك غير التراب ..؟

شفت التراب اللي عليه تروس .

وتاطا البهايم جبهته ..

هذا التراب ..

اللي مصيرك تآكله ..

وتذوب يوم بعتمته ..

كثير أنظف منك وأفضل حال ..

لأن منه رجال ..

 

(3)

ما دحدروا مع هزة الغربال يوم الدحدرة ..

ومثلك إذا تبغى الصحيح .. خبل ولا جابوا خبره !.

وين أنت من عصر العقل .. يابو جهل !!

وش تحسب الدنيا ..  على كيفك !!

والناس .. وش ظنك نمل .. ؟

إستح على دمك وحل ـ

ودل دربك لا تطيح ..

كلن عطاه الله محل ..

وسنان ولسان فصيح .

وكلن له إسلوب وقلم

وله إحترام يا محترم ..!

واللي تلوكه حسرته من غيرته أو من مرض ..

يلقى مكان مفترض ..

إما على روس الملا ..

وإلا تحت نعل القدم .

هذا الحكي من آخره جبته ..

وخليك أكثره

والمحترم .. والله ما جاب خبره .