(يا أرض)

مَرّت طُوابير العَطَش .. في ذا الطِريق

ومَرّ الأمَل فوقَ النَعَش .. مِن ذا الطِريق

ومَرّوا عَذارى كثار ..

ومَرت سِنين كثار ..

ومَريت أنا .. وأقفيَت ..

وأصبحَت لك تِذكار ..

يا أرض .. ما أدري إنتي شَباب ..؟

ولا عَجوزٍ تِرتدي زاهي الثِياب ..؟

ولا فَرَح .. ولا عَذاب ..

البارِحَه شِفتِك عَروس ..

واليوم جِذعٍ مِن حَطَب مَسكون سوس ..

البارِحَه شِفتِك طَرَب ..

واليوم أعيش أستَغفِر الله مِن الغَضَب ..

البارِحَه كِنتي حَياه

واليوم باقي عالَـمٍ مابه حَيَاه ..

يا أرض وينه صاحِبي

وين الصِديقَ إللي صِدَق ..

وين الرِفيق إللي رَفِق ..

وين الغَريقَ إللي لَـجِل عيني غَرق ..

والأمَل وين ..؟