( ياما تعدا من مسا )

( 1 )

 

يا ما تعدا من  مسا ..

وياما مضى لي من مسا .. !

وياما سهرتك يالمسا ..

ما بين ( عَـل ) ..

ومبسم الحلوة ( عَسى ) .. !

 

وكنت أحب أقرا المثايل والنشيد

وكنت أعاف الهندسة !

وكان لي راس بلا شوري ، عنيد

وكان قلبي مدرسة !

وكان يلعب في شراييني الصبا ..

وكنت ألاعب بالنسا .

وكنت أردالخيل وآسوق الغبا ..

والعقال آنكسه .

وكنت ما أَفهم .. ولكن

افهمي .. يا آنسه .

 

( 2 )

 

ياما قطفت قطوف ..

وياما قطعني خوف!

كم ليل مع (ليلى) مضى

وكم شاف( قيس) من الحتوف!

أحيان يا ضيق الفضا

وأحيان يا حلو الظروف ؟

مرة على صليّ الغضى

ومرة على قرع الدفوف!

 

كان الوطن أنثى ..

وكانت نصفي الأنثى ..

وكنت الغايب الملهوف .!

أشوف لكني وربي ..

من الوله والشوق لأوطان الوله ، ما  كنت  آشوف ‍‍؟‍‍!

أترك عتابك والملام ياصاحبي ..

واعمل معي معروف .