وش الأخبار

(1)

وتسألني وش الأخبار ؟

وليه الدار ما هي دار ..

يدق القلب في ديرة ..

وتعيش الروح في ديرة ..

هناي بعيد ..

ورا صحرا وجبل واعصار ..

على الشط اللي ما شفته ..

حبيبي صار .

(2)

وتسألني وش الأخبار..

وليه الدار ما هي دار ..

يمر الوقت يا طوله ..

وأحاسيسي ..

بأعز الناس مشغولة ..

أنا ظرفي سواد الليل واترجى ..

أماني عطرها ماجا .

وش الحيلة ..

تفارقنا وبدون أعذار..

وهذى حكمة الأقدار .

(3)

وتسألني وش الأخبار..

وليه الدار ما هي دار..

يقول الصبر ميعاد الفرج باكر..

وعسى باكر يجي باكر ..

وعسى عمري من أحضان القهر يظهر ..

ترى الحرمان ما قصر ..

زرع فيني الأسى وأزهر ..

كتب في داخلي ذكرى ..

ورسم في ناظري تذكار .