يا قدّك الميّاس
والمطرب تعب !!
والكل مع طرْق الكَعَب ..
كأنه ( المرواس ) ؟!
والليل حاس الناس.. صاحي
والعيون نْـعاس!
يا شاربين الياس..
قولوا: ما شبعتوا ياس؟!
أحدٍ لقى له حَلْ
أحدٍ حَسْ بالنوماس!
يا الهاربين من السنين وضيقة الأنفاس
حلِم الشواطي ما رحل في مركب الهوجاس
وباقي على الصبح أغنية..
أَو أَمنية .. فيها تبلون اليَبَاس وتعصبون الراس..
باقي قليل إحساس!
وأنا أعتذر يا سيّدي.
أبا أنسحب..
ماني معك.. ولأني مع الجلاس!
الــربــاط
1995