شفتك بفستان الفَرح .. ليلة فَرح
مثل الحُلم مثل الوَهَم مثل السَراب
شفتك ألم شفتك عذاب
تمشي تُـجرين الخُطا مِنّك غَصب
والبَسمة إللي تَرسُمي فيها كِذب
والناس حولك ما دَروا .. وما قصّروا
عامٍ وعام .. حُب وغَرام
من الصغر لين إكتمل بَدر التَمام
هذا القَمَر ما كنت أظُن إنّه يغيب
ويلاه من خطي ومن ظُلم النصيب
ليت الـهَوى مرّه صِدِق
ياللي أشوفَك تحترق _ أنا بِعذري أحترق
والناس حولك ما دروا
عنِك ولا عَني دَروا .. وما قصروا .
ما عاد باقي غيَر أروح
وأحمل على جروحي جُروح
وأخفي عن عيونِك حَبيبي حَسرتي
وأعيش الذكرى بقايا دُنيتي
وش حيلتي .. وش حيلتك ؟
الله يهنيك ويَبارك ليلتك
والله يصَبرني أنا .. وفي وداعِته أبا اتركِك
والناس حَولك ما دروا .
عنّك ولا عني دَروا .. وما قصروا .