(لطفا عزيزي الحب)

(1)

لطفا عزيزي الحب

ما عدت أنا أبيك

هذا قرار

وهذي أهم الأخبار

لا تقول والله صعب ،، لا لا ولا تعتب.

يا سيّد الإحساس

غيري كثير الناس

ومن هالنهار ..

لا تجيني ولا أجيك .

(2)

طال المشي واتعبت

وانهد حيلي وطاح

من كثرة المرواح

يم السهر والليل

يم القمر وسهيل

يم الوعود الزيف

اللي وعدها راح

كنّه غمايم صيف

يدى على قلبي

والياس يلعب بي

وإن كان هذا مناك..

ما أبيك يا حبي

(3)

ضاعت سنين…

ما بين ونّة روح

وما بين دمعة عين

لاني قدرت أشوف

دربي بوسط الخوف

ولاني قدرت أعرف

وش حيلة الملهوف

ظامي وأشوف النهر

يجري ولا يبرى

وإن كان هذا العمر …

ما أبيك يا عمري.