قالت أنا جنّة على هالأرض وإنت آدم
اقطف من اللي تشتهيه النفس واقطفني
هذا أنا كل إختصار الورد والعالـــــــــم
ولا غيرك اللي يفهم المعنى ويفهمــــني
قيثارتك ، قم دوزن الأوتار نتفاهـــــــم
خوض البحور السبع والأشواق واعـــزفني
آنا العروق اللي تحبك موت وانت الدم
وفينا الحياة اللي غلاها الكحل في جفني
حبيبتك تفداك لا تشقى ولا تهتـــــم
وعلى الهموم السود بعد الله وكلــــــــــني
إغنم زمانك أمانه ياحبيب إغـــــــــــنم
إغنم وعادك بالهوى تغري وتعجبـــــــــــني
عمـــان
2001