( شـرق الـبـحـر )

شرق البحر ..

والليل تَوّه بِأول سُدوله ظَهر ..

لا صوت ياصِلنا ، ولا في ساحة اللِقيا بَشَر ..

كانت مَزيج من البَلابل والزَهر والريح ..

كانت نهاية للرَحيل الـمُر .. كانت شيح ..

أشتِمّها وآعطر ثِيابي طرب ..

أشتِمّها وأطيح ..

الله يُلوم إللي يُلوم ..

والله يِصَبر مَن صَبر ..

والله .. يا شَرق البَحر .. ما أجَـملك فيها ..

قصيدة عِشق مَـجنونه على جيدِك ..

بَعيدات شَواطيها ..

يِغنيها الـمَدى وللعين يَهديها ..

أحِب اثنين بالدنيا ..

أنا وإنتي ..

سوالِفنا ..

دقايِقها بربِك ..

لو تمرِك لا تِـخليها ..