(1)
ولهان… جودي بالحنان
صحراي عنّتها الرياح
ولا لي مراح…
ألا على صدرك أنا.
مليت يا وهج السنا
مليت يا دروب العنا
حطت مشاويري..تبيك
صاحت أسراري…تبيك
ياللي حلاك بقسوتك
في قسوتك شفت الحنان
ونور الصباح.
(2)
ولهان ..يا معنى الوجود..
فيك ابتدا عمر الوجود
عشتك مواويل وسهر
عشتك مشاوير وسفر
عشتك محطات وحدود.
يا منتهى الخطوة..
لو تبعدي خوف عليّ
بسارع الخطوة
واضم قلبي بين ايدي..
وأعانق القسوة
وادفن بها صوت الجراح.
(3)
واه يا حلم السنين
لو تعرفين…
وشلون كان الليل ياخذني حزين
فوق الورق
حيرة وأرق
بين الفواصل انتحر
بس انتظر منّك تجين .
واليوم من بعد التعب
بالطيب أحبك والغصب
يا حنينه …فيك اجتمع
كل الهوى وكل الحنين
يا حنينه …مدّى اليمين.