( 1 )
تِغزّل ..
ليه ماتغزل كلامك .. من شهي الجيد
من رمشي ..
من نظرة عيوني .. وآهتي وانشودة التغريد ! .
تِغزّل ..
ياالعنيد اللي حياتك مستحيل .. ويااللي حياتك غيد !
وسولف لي عن أول عيد ، وأخر عيد ..
وعن حبي .. وهواك اللي يفجرني –
ويعزف بالحشى تنهيد .
تِغزّل ..
واشتري قربي بقربك ..
بربك .. لا تروح بعيد .
( 2 )
أغار أغار ، وإفهم غيرة الأنثى إذا حبّت !
أغار من التعب ، والريح في طبعك إذا هبّت !
وأغار من الغضب .. والنار في روحك إذا شبّت
تلفّت لي .. وراعيني ..
ولا تفكر تخليني ..
أنا طفله على عشقك وحضن احساسك تربّت ..
حبيبي ليه تحزن ..
والحزن يقهر حبيبي لاخذاك وراح فيك
حبيبي الحزن مو أغلى من عيوني ، ولا من خافق يغليك
حبيبي ليه تحزن ليه ..
دخيلك .. ما تعرف اني اغار من الحزن
وان صار فيك الحزن .. انا ماآبيك
تعال ولمنيّ بحضنك ..
وظللني تحت غصنك .. ويالبيك !
أنا أنسى الكون لا شفتك ..
وأموت بساعة ترضيك .
عمــــان
2001