يا موطن الأمجاد حبك عبادة ..
يا مصدر احساس الفخر والسعادة…
حنا جنودك مفتدينك بالأرواح ….
ودون الوطن الله ما احلى الشهادة …..
..
قالوا شهيد ٍ قلت حيٍ ولا زال ..
تغيب ناس ولا يغيبون الأبطال
ابوي عايش بيننا بكل الاحوال ..
وهذي حكاياته وهذا عتاده.
..
كل يوم اشوفه طيف واحب راسه
وأفخر بتاريخه وفي قو باسه
اللي غرس عشق الثرى بي غراسه
وضحّى بعمره لجل تسلم بلاده .
..
يا كبر حظي فيه.. يا فرحتي فيه
اللي بدمع الكبريا دايم ارثيه
ابوي رمز العز والعز كاسيه
حي ٍ وعند الله من اشرف عباده .
..
يا بوي ذكراك العزيزة ضوتني..
وكبرت فيك وديرتي كبرتني
واليوم هذي بدلتك فوق متني ..
وهذا سلاحك وأصبعي في زناده .
…
على خطاك وفي خطى كل مغوار ..
نمضى ونفدى الارض برقاب وأعمار
والعهد هذا عهد وافين الأشبار
الله رب العرش ، ثم القيادة
…
عش ياوطن وابقى على مر الأيام
بأمن وامان وحفظ رحمن علاّم
في ظل خدام الحرم درع الإسلام
اللي لهم قدر ومقام وسيادة
غناء : خالد عبدالرحمن